اپنا مقام پیدا کر

 حمدِ باری تعالیٰ تیرے ارب ہا بندے ہیں، مگر میرا فقط تُو ہے مری ہر سانس کی منزل، مری ہر اک دعا تُو ہے زمانہ ساتھ دے نہ دے، مجھے پروا نہیں اس کی مرے بےکس دلِ مضطر کا بس ایک آسرا تُو ہے زمیں تیری، فلک تیرا، ستارے، چاند، سورج تیرے جہاں بھر میں جو کچھ روشن ہے، سب کی ضیا تُو ہے خطاؤں میں گھرا ہوں میں، مگر مایوس کب ٹھہروں ترے در پہ جو جھک جائے، اُسے بخشنے والا تُو ہے نہ دولت کی ہوس دل میں، نہ شہرت کی تمنّا ہے مرے ایمان کی دولت، مرے دل کی غنا تُو ہے ہر اک نعمت تری بخشی ہوئی، ہر اک عطا تیری مرے لب پر جو حمد آئی، اُس حمد کی صدا تُو ہے طاہرؔ دلِ مومن کی یہی صدا ہر دم ٹھہری تیرے ارب ہا بندے ہیں، مگر میرا فقط تُو ہے

 *غلامانِ اسدُ اللہؑ*  باطل کے سامنے کبھی سر جھکا نہیں کرتے، حق کی راہ سے قدم اپنے ہٹا نہیں کرتے تمہارے خوف سے لرزیں، یہ گمان کیسا ہے؟ ہم غلامانِ اسدُ اللہؑ ہیں، ڈرا نہیں کرتے شمشیرِ صداقت ہی ہماری پہچان رہی، ہم زر و جاہ کے فریب میں آیا نہیں کرتے طوفاں لاکھ رستہ روکیں، کیا پروا ہمیں، راہِ حق چھوڑ کر کبھی بھٹکا نہیں کرتے غیرتِ حیدری ہمارے لہو میں بستی ہے، ظلم کے آگے سرِ تسلیم جھکا نہیں کرتے ہم نے سیکھا ہے علیؑ سے صبر بھی، ہمت بھی، دورِ باطل بھی ہو تو حق چھپا نہیں کرتے لشکرِ ابلیس سے خوف کھانا بزدلی ہے، اہلِ ایمان آزمائش سے ڈرا نہیں کرتے طاہرؔ یہی سرمایۂ عزت ہے ہماری عمر بھر، ہم غلامانِ اسدُ اللہؑ کبھی جُھکا نہیں کرتے

 راہِ حق زمانے سے ذرا ہٹ کر ہم چلا کرتے ہیں، راہِ حق میں جما کر قدم ہم چلا کرتے ہیں۔ جس شے کا طلبگار ہو سارا یہ زمانہ، اُس کی چاہت سے گزر کر ہم چلا کرتے ہیں زر و جاہ و حشم کا لالچ ہمیں بھاتا نہیں، اپنے اصولوں پر ڈٹ کر ہم چلا کرتے ہیں ہمیں بازارِ دنیا میں نہ کوئی خرید پائے، کِردار کو کُندن سا بنا کر ہم چلا کرتے ہیں راہوں میں اگر خار بھی ہوں، خوف نہیں ہے، دامن میں صبر سجا کر ہم چلا کرتے ہیں ظلم کے سامنے خاموش رہنا شیوہ نہیں، حق کی خاطر سر اٹھا کر ہم چلا کرتے ہیں جن کے آگے سر جھکائے یہ سارا زمانہ، ٹھکرا کر ہر باطل کو ہم چلا کرتے ہیں طاہرؔ اپنا سر جُھکے تو فقط رب کے حضور، کبھی نہ جُھک کر غیر کے آگے ہم چلا کرتے ہیں

 شیرِ خدا، حیدرِ کرّار ہیں مولا علیؑ عَلَمِ حق، وقارِ دیں ہیں مولا علیؑ علم کا بحرِ بے کراں ہیں مولا علیؑ فضل و تقویٰ کی مثال ہیں مولا علیؑ ذوالفقار سے مٹائے باطل کے فتنے تیغ و حکمت کی پہچان ہیں مولا علیؑ امینِ عدل و سخا، پیکرِ حلم و شجاعت حق کے روشن مینار ہیں مولا علیؑ مصطفیٰؐ کے جاں نثار، زوجِ بتولِ زہراؓ اہلِ وفا کے سالار ہیں مولا علیؑ حسنؓ و حسینؓ  شہزادوں کے ہیں بابا گلشنِ رسالت کے افتخار ہیں مولا علیؑ طاہرؔ یہی ہے آرزو، رب سے یہی التجا کرے محبّوں میں شمار، مولا علیؑ

 آپؐ کے ذکر سے ہے دل کو سکون و آرام آپؐ کی یاد ہی سے پائے زندگی میری دوام آپؐ کے نقشِ قدم چوم کے راہیں چمکیں آپؐ کے نام سے روشن ہوا دنیا کا نظام خدا کے بعد نہیں ثانی آپؐ کا کوئی کہیں  بلند ہمیشہ رہے گا ناموں میں آپؐ کا نام نگاہِ لطف جو پڑ جائے سنور جائے انجام کرم کی اک نظر ہو تو مل ہی جائے اکرام مرا تو ایک ہی سرمایہ، یہی ہے بس کام درود پڑھتا رہوں آپؐ پر ہر صبح ہر شام حضورؐ! حشر میں کوثر کا عطا ہو اِک جام یہی حسرت ہے مری ہر صبح ہر ہر شام طاہرؔ کی التجا ہے سرِ حشر اے شہِ اَنام قبول کیجیے اپنا یہ ادنیٰ سا حقیر غلام

 جھوٹ تُلے بازاراں  دے وچ نہی سچ دی رہی کوٸی لوڑ بَھر لٸے حرص طمع نال پِنڈے ضمیر ویچن ہُن تھوڑے مول مِلدا نال جو سَت سلاماں،  نِکلے گرگٹ تے وڈا چور کتے کھوجی تے بندے چور  آونا ایوی ہٸی دُنیا تے دور یار وی پٸے رنگ وٹاوندے ویکھ کے دولت، طاقت، زور طاہرؔ جے عَلم سچ دا چایا،  اُڈ گٸے غمگسار بن کے مور  *محمدطاہرسرویا*

 *سرودِ فنا*  اُجڑے پڑے ویرانوں میں  بِکھرے پڑے گنجانوں میں لق و دق صحراٶں میں، لہلہاتے میدانوں میں بہتی ندی کے بہاٶ میں مندروں چرچوں کلیساٶں میں ، ماتھا پڑھتے خانوادوں میں، ماتھا ٹھنکتی  خانقاہوں میں،  ہر جاہ ڈھونڈا  مگر تجھ سا پایا نہ کوٸی تیری راہ میں تیرے عشق میں  کاٸنات کی لرزتی آہ میں ، سرعام سر کٹوا لیا سردار جنت نے   تیری چاہ میں، فنا فی اللہ کا ایسا قصہ،  اب تک سُنا نہ کوٸی، زہرہ کے لعل نے کردیا واضع پیمانہ عشق، نیاز عشق سے بےنیاز اب کرے گلہ نہ کوٸی، کردے مجھے بھی  کچھ ایسا عطا، ہوجاۓ قبول میری دعا، مٹ جاٶں میں  مثل پروانہ، ایسا اوج کمال ہوجاۓ ایسا کچھ جمال ہوجاۓ، مگر اک دنیا ساتھ ضرور تھی میرے، پر سوا تیرے  ساتھ رہا نہ کوٸی، یہ مانتا ہوں کہ نہیں مانا، جو تو نے ہے کہا، پر مانتا صرف تجھے ہوں، تیرے سوا ہے بھی تو اپنا نہ کوٸی، جانتا ہوں  اپنی ناشکریوں کو نافرمانی کو اپنے شکووں کو آلودہ دل کی  کالک کو ، اپنی بے وقعت سینے سے نکلتی آہوں کو، پر کہوں تو کس سے کہوں تیرے سوا سنتا بھی کون ہے مالک تیرے تو ارب ہا بند...

 *اسلام ، لارڈ میکالے اور شدت سے دھڑوں میں بَٹی پاکستانی قوم کا ”بنیادی“ المیہ*  اللہ تعالیٰ نے نبی اکرمﷺ کے زریعے قیامت تک مسلمانوں کی بھلاٸی اور رہنماٸی کیلیے معاشرتی قوانین وضع کر دیے تھے ، جس کو ہم اسلامی قوانین کا نام دیتے ہیں۔ کیا پاکستان اسلامی ملک ہے؟؟ اگر ہے تو اللہ کے قانون میں نعوذ باللہ کونسی خامیاں ہیں کہ لارڈ میکالے ‏کا قانون ہمارے اس اسلامی ملک میں افضل  ہے؟ اللہ کے قانون کو پس پشت ڈال کر لارڈ میکالے کو نام نہاد ریاست مدینہ کے ٹھیکیداروں نے کیوں بھگوان بنایا ہوا ہے؟؟  یا تو یہ بحیثیت مسلمان اللہ کا وضع کردہ قانون پاکستان میں نافظ کریں یا پھر یہ پاکستان کو اسلامی جمہوریہ اور ریاست مدینہ کہنا چھوڑ دیں۔۔ کیونکہ ‏ایسا کہنا بہت بڑی منافقت اور شعاٸر اسلام کا تمسخر اڑانے کے مترادف ہے۔ یاد رکھیں۔۔! پاکستان میں راٸج  قانون جہاں مخصوص طبقے کی بدکاریوں اور حرام کاریوں کیلیے محافظ کے طور پر کام کرتا ہے ، وہیں عوام الناس کیلیے سخت تکلیف اور پریشانیوں کا باعث ہے۔ آخر کب یہ نظام بدلے گا ۔۔۔؟؟؟ کون یہ نظام بدلے گا۔۔؟؟ کیسے آۓ گا انقلاب؟؟ کسی بھی معاشرے میں اصطلاح...

 *کرغیزستان میں مقامی جتھوں کے پاکستانی و غیرملکی طالبعلموں پر حملوں کے محرکات اور اسکی تفصیل*  کرغیزستان کے شہر بشکیک میں تقریباً 10 ہزار پاکستانی طالبعلم میڈیکل اور مختلف شعبہ جات کی تعلیم حاصل کررہے ہیں۔ پاکستانیوں کے ساتھ ساتھ بھارتی ، بنگلہ دیشی اور عرب ممالک کے طالبعلم بھی وہاں زیرتعلیم ہیں ۔ کرغیزستان ایک ترقی پزیر ملک ہے جو سینٹرل ایشیا میں تاجکستان کے بعد غریب ممالک میں دوسرا نمبر رکھتا ہے۔ 1991 میں روس سے آزادی حاصل کرنے والا ، 90 % مسلم اکثریت رکھنے والا ملک کرغیزستان شاٸد غربت کی وجہ سے اس حال تک جا پہنچا ہے کہ اسنیچنگ اور معمولی بات پہ لڑاٸی جھگڑا وہاں کا معمول بن کے رہ گیا ہے ۔ موجودہ سانحہ کی تفصیل کچھ یوں ہے کہ 16 مٸی کو دارلحکومت بشکیک میں چند کرغیزستانیوں نے ایک مصری طالبہ سے قیمتی سامان اور پرس چھیننے کی کوشش کی اور اس دوران اس مصری طالبہ سے نازیبا حرکات بھی کیں۔ عین اسی دوران مصری عربی طالبعلم نوجوان وہاں پہنچے تو ان کرغیزستانیوں نے ان سے ہاتھا پاٸی شروع کردی، جس پر مصری عربی طالبعلموں نے انہیں پکڑ جم کر پٹاٸی کی۔ موقع پر موجود کچھ کرغیز لوگوں نے ویڈیو بنا ...

  سندھ کے ضلع کشمور میں کچے کے ڈاکوؤں کے ہاتھوں اغوا ہونے والے پانچ سالہ بچے ایاز پٹھان کو تقریباً ایک ماہ بعد بازیاب کرا لیا گیا ہے۔ کوئٹہ سے تعلق رکھنے والے ایاز پٹھان کو کچے کے ڈاکوؤں نے اغوا کیا تھا اور بازیابی کے بدلے بھاری تاوان کا مطالبہ کیا تھا۔ ڈاکوؤں نے زنجیر سے باندھے ہوئے کمسن بچے کی ویڈیو اہلخانہ کو بھیج کر تاوان ادا نہ کرنے پر اسے قتل کرنے کی دھمکی دی تھی۔ یہ ویڈیو سوشل میڈیا پر وائرل ہونے کے بعد سیاسی رہنما اور شہری سندھ حکومت اور پولیس کو ڈاکوؤں کے خلاف کارروائی نہ کرنے پر شدید تنقید کا نشانہ بنا رہے تھے۔ جمعے کو بچے کے والد اللہ نور ملاخیل نے میڈیا کو بتایا کہ وہ گزشتہ کئی سالوں سے کندھ کوٹ سندھ میں موٹرسائیکل پر کپڑے بیچنے کا کام کررہے ہیں۔ ’14 اپریل کو پانچ سالہ بیٹے کو کندھ کوٹ میں گھر کے قریب سے کچے کے ڈاکوؤں نے اغوا کر لیا اور ایک کروڑ روپے تاوان مانگا۔‘ انہوں نے بتایا کہ ’میں غریب شخص ہوں اتنی رقم زندگی بھر میں دیکھی نہیں اس لیے اتنی بڑی رقم کا بندوبست ناممکن تھا۔ جرگے کیے اور قران لے جا کر ڈاکوؤں سے اپیل کی لیکن وہ تاوان کی ادائیگی کے بغیر بچے کو چھوڑنے پر ت...

  افغانستان کی طرف سے معاملات تھوڑا ٹھیک ہوۓ تو ایران کو اسی بغیرتی پر لگا دیا گیا۔ ایران نے فضائی حدود کی خلاف ورزی کرتے ہوۓ پنجگور بلوچستان میں ڈرون اٹیک کیا جس میں دو خواتین اور بچے شہید ہوگٸے۔۔ ان خواتین اور بچوں کو شہید کرنے کے بعد  ایران کہہ رہا ہے کہ ہم نے دہشتگردوں کو ماردیا ہے۔ ایسا لگتا ہے کہ شام اور عراق میں لگائی آگ سے ایران کا دل نہیں بھرا، جو اب پاکستان میں بھی شروع ہوگیا۔  پاکستان عراق یا شام ہرگز نہیں، جیسے بھارت کو ابی نندن کی صورت پاکستان نے رسواٸی کا طوق پہنا کر جواب دیا تھا ، ان شااللہ ایران کو بھی ضرور جواب ملے گا۔ ہم پاکستانیوں کے آپس میں ہزاروں اختلاف ہوسکتے ہیں لیکن جب بات وطن پر آجاۓ اور ہمارے وطن کو کوٸی ملک نقصان پہچانے کی کوشش کرے تو اسے واڑ کر رکھ دینا چاہیے ، خواہ وہ امریکہ ،اسراٸیل ہو بھارت ہو سعودیہ یا ایران ہو یا کوٸی بھی ہو۔ اورجو بھی یہاں ایران کی محبت میں اپنے ہی وطن کے خلاف زہر اگل رہے ہیں ان کی مثال صرف اس کتے جیسی ہے جو جس تھالی میں کھاتا اسی میں چھید کرتا ہے اپنے ہی گھر کی بنیادوں کو کھودتا ہے۔  یاد رکھیں سب سے پہلے ہمارا وطن ہ...

 *آسٹریلیا کا نڈر سپوت*  کرکٹ ورلڈ کپ کے سلسلے میں آج بھارت کے شہر احمدآباد میں ورلڈکپ کا فاٸنل میچ  آسٹریلیا اور بھارت کے درمیان کھیلا کھیلا جا رہا تھا ۔ تقریباً ڈیڑھ لاکھ لوگ لاٸیو اسٹیڈیم ،گردونواح اور کروڑوں لوگ یہ میچ ٹی وی اسکرینوں پر دیکھنے میں مصروف تھے کہ اچانک گراونڈ گِرل پھلانگ کر ماسک پہنے ایک لڑکا دیوانہ وار بھاگتا ہوا پچ پر پہنچ گیا اور ویراٹ کوہلی سے بغلگیر ہوگیا۔  لیکن بات اس سے بھی زیادہ اہم اسلیے تھی کہ اس نے جو شرٹ پہنی ہوٸی تھی اس پر Stop Bombing Palestine یعنی فلسطین پر بمباری بند کرو لکھا ہوا تھا۔ یہ بھی کہا جارہا ہے کہ لڑکے نے خصوصی طور پر فلسطین کیلیے مٶثر آواز اٹھانے کیلیے بھارت کا سفر کیا تھا۔  یہ فلسطین کے مسلمانوں سے اظہار یکجہتی کا انوکھا انداز تھا۔ اس جانباز لڑکے نے جان کی پروا نہ کرتے ہوۓ دنیا کو منفرد طریقے سے واضع پیغام دیا کہ فلسطین معاملے پر دنیا بھر کی عوام کس طرف ہے۔  واقعہ کے فوری بعد میچ انتظامیہ حرکت میں آٸی تو میچ کچھ دیر روکنا پڑ گیا۔۔ لڑکے کو پکڑ لیا گیا ، شاٸد برسوں جیل میں رہے لیکن آسٹریلیا کا یہ سپوت ناچ گانے می...

 *اللہ کے شیر ، فلسطین کے موجودہ دور کا مجاہداعظم*  فلسطین کے تناظر میں آج ایک ایسے مجاہد غازی اور اللہ کے پراسرار بندے کے متعلق بات کرتے ہیں جو اسراٸیل کی طرف سے موسٹ وانٹڈ ہے جن کی جان لینے کیلیے اسراٸیل کم ازکم سات بار حملے کرچکا ہے مگر وہ مردمجاہد بار بار زخمی ضرور ہوتا رہا مگر ہر بار اللہ کے فضل سے زندہ بچ نکلتا ہے اور اب بھی وہی اسراٸیل کو ناکوں چنے چبوا رہا ہے۔ اس مرد مجاہد کا نام محمد ذیاب ابراہیم المصری ہے اور یہ محمد ضیف (مہمان) کے نام سے مشہور ہیں۔ انکا شمار حماس کے بانی مجاہدین میں ہوتا ہے۔ عزالدین القسام بریگیڈ کے یہ اہم ترین کمانڈر پچھلے 27 برس سے اسرائیل کی ہٹ لسٹ پر موجود ہیں۔ اسرائیل کا الزام ہے کہ اسرائیلی شہریوں پر ہونے والے کئی حملوں کے پیچھے ان کا ہاتھ ہے اس لیے انہیں عام طور پر اسرائیل کا ’دشمن نمبر ایک‘ سمجھا جاتا ہے۔ محمد ضیف کے بارے میں کہا جاتا ہے کہ وہ دیسی ساختہ بم بنانے کے ماہر اور عمدہ عسکری صلاحیتوں کے مالک ہیں۔   مغربی میڈیا کی ایک رپورٹ کے مطابق محمد ضیف نے بم سازی کا فن حماس کے رہنما یحییٰ عیاش سے سیکھا تھا جو بم بنانے کے ماہر تھے اور ’ان...

دنیا کی سب سے بڑی منافق قوم شاٸد ہم پاکستانی ہیں۔ بیت المقدس پر قبضہ کرنے کی خاطر، قبلہ اول کے محافظ فلسطینی مسلمانوں کی نسل کشی کیلیے یہودونصاری ایک ہوچکے ہیں اور ہم جیسے نام نہاد امتی ورلڈکپ  کی فکر میں پاگل ہوۓ پڑے ہیں۔ یاد رکھو فلسطینی مسلمان بچوں ، عورتوں ، نہتے مردوں بوڑھوں پر ہونے والی ظلم و بربریت انکی آزماٸش ہرگز نہیں  ہے بلکہ یہ ہمارے جیسے نام نہاد مسلمانوں کا امتحان ضرور ہے۔ فلسطینی مسلمان تو کنفرم جنتی ہیں جو اسلام کے قبلہ اول بیت المقدس کی حفاظت اپنے پیاروں کی لاشیں اور اپنے کٹے پھٹے جسموں سے بہتے خون کے ساتھ کر رہے ہیں۔  اب ہمیں طے کرنا ہے کہ ہم کس طرف کھڑے ہیں۔  اگر فلسطینی آج تاریخ رقم کرکے شہادتیں سینے لگا کر دنیا سے سرخرو ہو کر رخصت ہو رہے ہیں تو یاد رکھیں ہم نے بھی یہاں دنیا کی دلفریبیوں اور رنگینیوں میں سدا نہیں بیٹھے رہنا ایک دن ہم نے بھی آخرکار مرجانا ہے اگر جسموں میں غیرت ایمانی بچی ہے تو اللہ کے حضور پہنچنے اور آقا کریم صلى الله عليه واله وسلم کو اپنے چہرے دکھانے سے پہلے ایک بار اپنا محاسبہ ضرور کرلیں کس قدر ہمارے دل سیاہ ہوچکے ہیں کہ فلسطینی ...